10n Obrador de Lingüistica Occitana (OLO10)

Lo desen Obrador de Lingüistica Occitana (OLO10) se tendrà a l'Institut für Romanistik de l’Universitat de Viena, Àustria, los 19 e 20 de mai de 2027. L’Obrador de Lingüistica Occitana es lo fòrum que recampa los lingüistas que trabalhan sus l’occitan, dins un esperit d’escambi e de collaboracion.

Las proposicions de comunicacion son a mandar abans lo 31 de genièr de 2027 sus EasyAbs o a ignasi.planas.villalba(at)univie.ac.at, en PDF anonimizat. Las proposicions seràn al pus mai de doas paginas A4, exclusas las referéncias bibliograficas, e deuràn explicitar clarament lo subjècte del trabalh, lo metòde o/e teoria seguits, la sorga de las donadas e los resultats obtenguts.

S’acceptaràn de comunicacions sus la lingüistica occitana, dins de perspectivas tant diacronicas coma sincronicas, enclauses la lingüistica de l’estructura de la lenga (sintaxi, morfologia, semantica, pragmatica e lors interfàcias), l’estudi dels dialèctes o los rapòrts amb las autras lengas romanicas. Las comunicacions seràn de vint minutas, seguidas per dètz minutas per la discussion.
Acceptam de comunicacions en occitan e en anglés.

L’acceptacion serà notificada abans lo 28 de febrièr de 2027.